Predición xeral para Galicia

Non se agardan cambios significativos para o mércores, con aire frío nas capas altas da atmosfera que ocasionará inestabilidade. Así, os ceos permanecerán parcialmente cubertos, con chuvascos de carácter tormentoso máis probables pola tarde. As temperaturas mínimas quedarán sen cambios significativos ou con lixeiros descensos, mentres que as máximas sufrirán un moderado descenso. Os ventos soprarán frouxos, de dirección variable en xeral, con predominio da compoñente norte no terzo norte; réxime de brisas nas Rías Baixas.