Predición xeral para Galicia

Mantense o aire frío nas capas altas da atmosfera, polo que de novo agardamos unha xornada de moita inestabilidade. Así, os ceos estarán parcialmente cubertos, con chuvascos de carácter tormentoso máis probables e intensos durante a tarde no interior da Comunidade. Brétemas costeiras en todo o litoral. As temperaturas ascenderán lixeiramente. O vento soprará frouxo, de dirección variable pola mañá e de compoñente norte á tarde.