Predición xeral para Galicia

O sábado quedaremos nunha situación intermedia entre as altas presións ao sur da Península e a borrasca xa debilitada ao noroeste de Galicia. Agárdanse así chuvascos intermitentes, máis activos pola mañá ao oeste e que se irán retirando polo leste co avance da tarde. As temperaturas sen cambios significativos con lixeiros descensos nas mínimas. O vento soprará frouxo de compoñente sur con intervalos de moderado no litoral atlántico e sendo de compoñente oeste a partir da tarde.