Predición xeral para Galicia

Aínda persiste certa inestabilidade sobre Galicia debido á presenza de aire frío nas capas altas da atmosfera. Así, agárdase unha xornada de ceos parcialmente cubertos con chuvascos, que durante a mañá se rexistrarán no terzo norte e a partir do mediodía serán probables en calquera punto da Comunidade. Ocasionalmente poderán rexistrarse sarabiadas e a cota de neve baixará durante a tarde ata os 1400 metros, de xeito que algún chuvasco nas cotas máis altas poderá ser en forma de neve. As temperaturas quedarán sen cambios ou con lixeiros descensos. O vento soprará frouxo do norte.