A instrumentación dunha estación meteorolóxica pode variar en función do seu uso e das necesidades particulares de cada aplicación. As principais características que deben reuni-los instrumentos dunha estación son:

• Precisión de cálculo.
• Regularidade de funcionamento.
• Sinxelo na execución.
• Comodidade de manexo.
• Solidez de construcción.

Instrumentos de medida en estacións manuais tradicionais:

• Temperatura: Termómetro de máxima, termómetro de mínima, termógrafo.
• Temperatura do chan: Xeotermómetro.
• Presión: Barómetro, barógrafo.
• Dirección e intensidade do vento: Anemómetro, anemógrafo.
• Evaporación: Tanque de evaporación, Evaporímetro de Piché.
• Humidade relativa: Psicrómetro, hidrógrafo.
• Precipitación: Pluviómetro, pluviógrado.
• Insolación: Heliógrafo de Campbell-Stokes
• Radiación: Actinógrafo

Algúns dos aparellos anteriormente citados, en concreto, os termómetros de máxima e mínima, o termógrafo (ou o que é máis común, o termohigrógrafo), o psicrómetro e o evaporímetro de Piché colócanse nunha garita ó abrigo meteorolóxico, normalmente tipo Stevenson.

A garita de Stevenson

Está feita de madeira con láminas pintadas de cor branco para facilitar a ventilación e, á vez, protexer aos aparellos de medida da radiación solar e da choiva. A porta da garita oriéntase ao norte co fin de que o sol non perturbe a medida cando se fan as lecturas das distintas variables: