Compostos de Flúor (F^-) e Fluoruro de Hidróxeno (HF)

O flúor é o primeiro elemento da familia dos halóxenos e o elemento químico máis reactivo. Os fluoruros son compostos que conteñen o ión fluoruro (F^-) e son moi comúns na natureza. O fluoruro de hidróxeno (HF) é un gas incoloro, de olor forte e irritante e altamente tóxico.

Naturais: Os volcáns.

Antropoxénicas: Empréganse maiormente na fabricación de hidrocarburos fluorados, que son utilizados como refrixerantes, disolventes e aerosois, na combustión do carbón, na fabricación de aceiro, produción primaria de aluminio, etc.

O HF é unha substancia corrosiva polo que en contacto coa pel pode producir graves irritacións e queimaduras. A inhalación de HF pode irritar o nariz, garganta y pulmóns. A exposición a este gas pode causar dor de cabeza, mareo, náuseas e vómitos. A exposición moi alta pode causar dor de estómago, debilidade, convulsións, colapso e a morte.

Altos niveis de fluoruros poden danar os dentes e os osos.

Para a medición de compostos de flúor e fluoruro de hidróxeno, a técnica de medida empregada é a potenciometría.